Un'esperièntzia chi nos faghet prus ricos: su biàgiu de istùdiu in terra angena

(IlMinuto) - Casteddu, 3 de abrile - Su biàgiu de istùdiu in is istados istràngios donat a is giòvanos intre is 16 e is 18 annos vantàgios mannos. In tantu b'at de s'ispassiare meda, si connoschent amigos diversos, s'imparat mègius un'àtera limba e, cosa chi no est de pagu contu, si balàngiat prus atinu e determinatzione. A cuncordare custos biàgios in gènere sunt is assòtzios e calicuna borta is iscolas, chi cuntatende is istitutos de àteros istados organizant s'esperièntzia.
Ma seberamus unu logu in ue cherimus lòmpere: s'Inghilterra. Su pitzocu at a partire dae Sardigna e su biàgiu suo at a èssere un'iscàmbiu culturale de a beru. Istende in domo de una famìlia inglesa, at a imparare is fainas fitianas, is usos e sa cultura issoro. Custu tipu de biàgiu no est isceti educativu, ma est econòmicu puru. Difatis su prètziu chi depent pagare is famìlias est baratu.

Is organizatziones chi organizant biàgios de istùdiu de custu tipu sunt diversas. E duncas sunt diversos fintzas is bandos chi si podent agatare. Intre custos regordamus is bandos pro biàgios de ispàssiu e istùdiu de s'Inps (in antis fiant de s'Inpdap). Ogni annu s'Istitutu ponet a disponimentu is finantziamentos pro is biàgios de istùdiu in terra angena de is prus giòvanos. Su bandu nche lu pùblicant in is primos meses de s'annu e est partzidu in duas cuotas: sa prima, chi est uguale pro totus, est oferta dae s'Istitutu, sa segunda la pagant is famìlias e dipendet dae cantu est artu su rèdditu de sa famìlia.
S'obietivu de custu biàgiu de istùdiu est cussu de megiorare sa connoschèntzia de sa limba istràngia, in s'esèmpiu chi semus cunsiderende s'inglesu, bidu chi amus seberadu s'Inghilterra comente logu de su biàgiu. S'esperièntzia donat a su pitzocu unu cursu de limba, ma fintzas unas cantas atividades culturales e escursiones. Is classes sunt cumpostas dae pagos dischentes, is cursos sunt intensivos e b'at possibilidade de fàghere su biàgiu in totu is meses de s'annu. Is giòvanos, comente amus giai naradu, ant a istare paris cun famìlias de su logu o intre is college.

Unu College Inps sugeridu est su Campus "Barnet and Southgate College East Block S", pro pitzocos de 16, 17 e 18 annos. Su college est in sa zona 4 de Londra, a chimbe minutos dae sa metropolitana de Colindale (Northern Line). Is classes de su campus sunt modernas e cun su wifi. Su corsu de limba est reconnòschidu dae su British Council e is maistros sunt de limba inglesa.

In is 15 dies de cursu s'iscola aparitzat diversos programmas pro s'ispàssiu, ma is programmas chi praghent de prus a is pitzocos sunt is escursiones.

A Londra sunt medas is itineràrios interessantes: Buckingham Palace, su Palatzu de Westminster cun su Big Ben, su palatzu de St. James e su Kensington sunt is sìmbulos de sa monarchia inglesa. A is pitzocos praghent meda is parcos (Hyde Park e St. James's Park, su parcu de Westminster, sunt is preferidos), ma is còmporas puru in is butegas pro ricos, comente Harrods a Brompton Road, o Selfridges & Co a Oxford Street. Su postale 74 est pràticu pro ite colat a Oxford Street e a Brompton Road. Ammentamus puru ca pro andare de Harrods cun sa metropolitana si calat a Knightsbridge (Piccadilly Line). S'iscola aparitzat diversos itineràrios in Londra: unu mangianu a sa National Gallery, un'àteru a su British Museum e su giru de faghere in su London Eye o in su Tamigi.

Duncas su biàgiu de istùdiu a Londra est un'esperièntzia de biàgiu chi cheret cussigiada, chi faghet crèschere is giòvanos ispassiende·si e imparende sa responsabilidade e s'auto-gestione.

Carta de identidade de su logu