S'istória de Antonietta un'archeóloga in Tempus de Crisi
Image
(In Tempus de Crisi) – Casteddu, 12 de su mesi de martzu – Un'archeóloga esperta in s'istúdiu de is ténnicas de isascradura de sa pedra de pistoni chi fait sa circa de dotorau in s'iscuadra de su Centru Natzionali po sa Circa Issentífica de Parigi, ghiada de s'istudiosu prus mannu in matéria. Est Antonietta Carboni, classi 1974, nadìa de Fonne. A pustis de sa laurea in Líteras clàssicas in s'Universidadi de Casteddu, in Francia Antonietta incumentzat a arai unu bisu incarrerendi su caminu de sa circa. Mancai aici sa giòvana circadora fonnesa no cuat is intopus chi oi agatat unu giòvanu laureau sardu, candu pigada sa laurea atumbat cun su mundu de su traballu. "Is arragus chi s'atopant circhendi unu traballu chi satisfit s'annestru fatu in is annus de s'Universidadi - afirmat - est unu problema chi ferrit a sa majoria de is istudiantis sardus".
E pretzisat ca su "sistema Universitàriu" chi no premiat su méritu cuncurrit a cangrenai una cunditzioni de crisi generali. A totu custu s'aciungit unu sentzu de arrendibilidadi e agiumai sa cunvintzioni, fatuvatu argumentada e motivada beni, ca istudiai no dongat sa possibilidadi de traballai, de si mancebai e de si mellorai.
Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda
© RIPRODUZIONE RISERVATA
In tempus de crisi
Progetu realizadu cun sa partetzipatzione de sa Regione Autònoma de Sardigna – L.R. 26/97 subra sa limba e sa cultura sarda
Image
