“Amortitzadoris sotzialis in tardamentu mannu”. Sa denúntzia de is sindacaus

Ascurta custa nova


(S’úrtima nova) – Casteddu, 21 de su mesi de fiàrgiu – Milla e prus de milla traballadoris sardus depint abetai fintzas a cincu mesis po pigai is amortitzadoris sotzialis. Est cantu denuntziant in d-una nota fata connosci unus cantu diris fait Cgil, Cisl e Uil. Is pràtigas difatis - pretzisant is sindacaus - no andant a innantis cun sa prontesa giusta. S'arrasurtau est ca in is buxacas de is traballadoris fatuvatu no arribat in tempus nimancu su redditeddu intre is 400 e is 800 eurus. No est acabada innoi. Cgil, Cisl e Uil si dimandant ita fini apat fatu s'agiudu una tantum po is traballadoris chi no tenint diritu a is amortitzadoris sotzialis annuntziau de s'assessori regionali de su Traballu in su mesi de argiolas de su 2011."Fintzas a imoi - narant is sindacaus - no s'est fatu nisciunu passu a innantis po individuai is proceduras chi fatzant diventai realidadi su provedimentu". E bosàterus ita ndi petzasis? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda