Salude mentale, su 10 Open Day de s'Asl nugoresa

Cumprèndere s’importàntzia de sa diàgnosi primidia e favorèssere s’atzessu a sas curas agiudende a nche barigare pregiudìtzios, istigmas e timòrias ligadas a sas maladias psìchicas. Sunt custas sas punnas de s’Open day promòvidu dae su Dipartimentu de Salude mentale e dipendèntzias de s’Asl n.3 de Nùgoro in programma pro giòbia su 10 de santugaine. Dae sas 9 a sas 13, in s’ospidale Zonchello, b’est s’isportellu informativu; dae sas 15, s’exMè ant imbetzes a presentare sas atividades fatas in su territòriu, sos servìtzios de su Csm (Tzentru salude mentale), de su Cdd (Tzentru diurnu delocalizadu), de su Serd (Servìtziu dipendèntzias) e de àteras istruturas. A sas 18, serrende·la, su segundu addòbiu de Agorà, rete de sas pratzas italianas unidas dae s’idea de salude mentale comente bene comune, a pustis de su primu de su 9 de cabudanni.