Tàtari, Murru e àteros tres lassant su M5S

Sos bator rapresentantes tataresos in Comune eletos cun su M5S ant lassadu su movimentu dende vida a su grupu consiliare “Sassari futura”.

Su presidente de su Cussìgiu Maurilio Murru, s'assessora de sa Cultura, Laura Useri, e sos cussigeris Patrizia Zallu e Federico Sias ant duncas ratificadu su sustegnu issoro a sa majoria ghiada dae su sìndigu Nanni Campus, chi finas a como fiat un’anomalia, a dae chi su M5S espressat sa candidada a sa presidèntzia de sa Regione cun una coalitzione chi in Tàtari est contra a su primu tzitadinu. «Nos ant pedidu de lassare a Campus – ant naradu – ma non sunt ma ncu a tretu de nos nch’iscudere a foras. Tando nos nch’andamus nois, lassende su Partidu 5 Isteddos, non su Movimentu 5 Isteddos chi amus contribuidu a fundare in Tàtari».

m.p.