Su Senadu acadèmicu presidiadu dae sos istudiantes pro Palestina narat chi nono a sa motzione

Su Senadu acadèmicu de s’Ateneu de Casteddu at respintu sa motzione de sos istudiantes chi pediant sa sessada de sos raportos cun sas Universidades de Israele.

«Sas Universidades – leghimus in sa nota chi annùntziat su disinnu pigadu – sunt sos logos de su diàlogu, de su cunfrontu e de s’isvilupu de sa cultura e de sa connoschèntzia». Motivende su sèberu, dae UniCa dant a ischire chi «su mantenimentu de sos raportos de collaboratzione e sos iscàmbios cun sas Universidades israelianas e palestinesas podent contribuire a fraigare pontes e a ghetare muros conca a sos concruos de sas ostilidades e a sa paghe». «Su Retore e su Senadu acadèmicu – leghimus a concruos - espressant solidariedade prena a su pòpulu palestinesu e a su pòpulu israelianu cundannende cada atu de gherra e de violèntzia, sas agressiones, sas ritorsiones e sas opressiones de sas libertades de sos pòpulos dei Popoli cummìtidas dae chie si siat, cun sa populatzione tzivile chi nde sufrit sas cunsighèntzias».

Custu mangianu bi fiat fintzas su sit in de sos istudiantes pro Palestina: «La notizia della possibilità che gli accordi siano definitivamente chiusi - aiant iscritu publitzizende s'apuntamentu - sta rimbalzando tra i giornali di tutta Italia, provocando reazioni scomposte che dimostrano quanto sia importante andare a spingere sul boicottaggio accademico. Pretendiamo che la nostra università non sia più complice del genocidio palestinese». Su chi non si cumprendet est comente siat istada possìbile sa essida de su Retore Mola de sas dies coladas.

m.p.