Protestas climàticas, sa solidariedade de Sardware a Ivano

Sardware, grupu de ativistas pro sa tradutzione de tecnologia in sardu, est espressende sa solidaridade sua a Ivano (in sa foto cun Manuela), membru de s'assòtziu dae su 2021, a pustis de is atziones de protesta suas in contu de cambiamentu climàticu. «Sa risposta de s'Istadu a is atziones de Ivano e de àteras persones de su grupu suo depet èssere interpretada comente un'atu pro chircare de pònnere a tìmere a chie protestat. Sardware est un'assòtziu chi traballat dae su bàsciu pro unu mundu plurale e diversu pro mèdiu de sa defensa de su sardu, e non podimus abarrare a sa muda in cara de sa repressione contra a chie traballat pro unu mundu sustenìbile in s'àmbitu ecològicu». Comunicada s’atzione de suportu: «chenàbura 24/11, a is 10 oras, in sa Tzitadella Universitària de Pauli, fronte Biblioteca (Blocu F)».

m.p.