Lega Pro. Torres e Olbia che zúccaru e méri

Pescara – Li dui paréggi contr’a lu Perugia e a lu Pontedera érani sóru una paréntesi? Ancóra no lu sabbemmu, ma zi piazi a lu dí. Cu’ la di arimani li sassarési so abà a 8 vittórii; 26 li punti. La parthidda contr’a lu Pescara éra impurthanti assai: un’ischunfitta di la Torres abaria purthaddu li abruzzési a lu matessi puntéggiu sóiu, 23. Ma no è andadda cussì, mancu mari. Cumenti si sia, chisthu è lu contu di lu match di l’Adriatico: primmu tempu giuggaddu be’ ma finiddu 0-0; riprésa cu’ li gol di Masala e Ruocco pa’ li torresini e lu di la bandéra di Merola pa’ li paddroni di casa (un poggu marivaddaddi cun dui trabessi e un paru). Fintza lu Cesena è a -6, ma li rumagnóri ani di giuggà chisthu notti i’ lu campu di l’Entella. Abaremmu a vidé.

Tarranóa – Bona próa menti pa’ l’Olbia chi à torra agattatu la vittória piddendi tre punti impultanti abbeddu. 2-1 lu risultatu finali contr’a a la Fermana illu Nespoli. Chisti li malcaturi: Montini pa’ li stragni (a lu di 18 di lu primu tempu); Ragatzu e Dessena illa riprésa (64’ e 84’). Chista pa’ li gaddurési è una vittória chi vi ‘ulia da poi di tre scunfitti l’una infattu a l’alta. Abali li punti so 11, cu’ la gana di buscanni alti ancóra.

mp