Làstima Cagliari, ma s'iscuadra b'est

Salernitana: Costil, Fazio (83’ Ikwuemesi), Gyomber, Bradaric, Kastanos (55’ Martegani, Coulibaly (76’ Łęgowski), Maggiore, Mazzocchi, Candreva (76’ Tchaouna), Cabral (56’ Stewart), Dia. Allenadore: Filippo Inzaghi.

Cagliari: Scuffet, Nandez (46’ Zappa), Dossena (74’ Obert), Goldaniga, Augello, Deiola, Prati, Makoumbou, Mancosu (46’ Viola), Oristanio (64’ Jankto), Luvumbo (84’ Shomurodov). Allenadore: Claudio Ranieri

Arbitru: Chiffi

Ammonidos: 52’ Kastanos, 71’ Prati. 79’ Martegani, 80’ Zappa, 89’ Deiola, 95’ Makoumbou, 101' Gyomber

Retes: 79’ Luvumbo, 86’ Dia, 88’ Viola, 95’ Dia (R)

In cherta de sa prima vitòria cun s’atòngiu intrende·si·nche, su cagliari de Ranieri nche lompet a s’Arechi de Salerno, seguru de sas dificultades chi un’iscuadra che a sa de Inzaghi podet garantire. E mancari cun sos granata in possa a sos casteddajos non sunt mancadas sas ocasiones giai dae su primu tempus. Deretu dae su de 8 minutos una botza giogada dae Dossena in antis e dae Luvumbo a pustis podet èssere perigulosa, ma Oristanio non concretizat. nemmancu colados deghe minutos chi bi proat Luvumbo. Làstima pro una pèrdida de echilìbriu: su tiru iscutu no impignat meda a Costil. E galu a su de 27 cun Luvumbo chi nche la ponet in intro. Ma pro s’àrbitru Chiffi su nostru fiat in foras de giogu. Su segundu tempus non dat infadu perunu a sos ispetadores ma ambas sas iscuadras non resessent a marcare sa rete de su vantàgiu (petzi s’àrbitru marcat carchi sambenadu in su tacuinu de sos ammonidos). Finas a su de 79 minutos, cun Luvumbo chi, tiru pratu de manca, befat a Costil serbidu dae Jankto in pessu intradu. A su de 86 parègiat sa Salernitana cun Dia, bene serbidu dae Ikwuemesi friscu in campu in càmbiu de Fazio. Ma su Cagliari sa vitòria le cheret e, colados duos minutos ebbia, acò su raddòpiu cun cros de Shomurodov e rete de Viola. Làstima pro unu rigore a concruos (fallu de manu de Viola) chi Dia non si lu faddit. Passèntzia. E a in antis.