Ispeculatzione energètica, su 14 manifestatzione regionale

Si est beru chi non si podet firmare su bentu custu balet fintzas pro chie est contra a chie nos lu futit. E pro custu est chi, pro giòbia su 14 de cabudanni, su Coordinamentu de sos comitados sardos contra a s’ispeculatzione energètica est organizende una manifestatzione pro chi sa regione fatzat sa parte sua, est a nàrrere a decrarare sa moratòria de totu sos progetos chi minetzant logos e comunidades de Sardigna. Su corteu at a mòvere a sas 9.30 cara a sas iscalinadas de Bonària e at a lòmpere a suta de su palatzu de su Consìgiu regionale