Cagliari - Inter, Ranieri: «Istràngios tropu fortes, ma nois atzudos»

Est unu Ranieri determinadu su chi faeddat a pustis de sa derrota de su Cagliari in domo contra a s’Inter. Una derrota chi, pro s’allenadore, serbit «a pigare cussèntzia de su livellu de sa sèrie A». «No los apo a brigare a sos pitzocos meos – at annantu –, apo chircadu de los agiudare comente podia, ma s’iscuadra contra a nois fiat tropu forte».

Galu faeddos bonos pro sos giogadores suos: «Custu grupu tenet atza e sentidu de apartenèntzia. Custu est su chi pedo semper. ca amus a pòdere pèrdere ma non totu cantas las proamus». Gasi etotu pro sos tifosos (istàdiu prenu eris): «Sa gente nostra animende nos est, sos tifosos s’impèllida nostra sunt e fintzas pro custu sighimus a traballare, pro nos nde gosare in pare cun issos». Su benidore de su mister? «Sos concruos de sa carriera mea ghiende unu club sunt in Casteddu, posca no l’isco si b’at a àere carchi natzionale, ma como pensemus a nos sarvare pro acuntentare sos tifosos, su presidente e custu pòpulu galanu».

M.P.