Abba e temperaduras prus bassas dae domìniga

Galu tres dies caentes e posca sas temperaduras ant a minimare de deghe grados. Pro tando at postu fintzas abba, cunforma a sas previsiones de s’ufìtziu meteorològicu de s’aeronàutica de Deximumannu. Totu custu pro more de una perturbatzione nord atlàntica chi, cun s’àera frita sua, at a fàghere falare sas màssimas de 8-10 grados e sas mìnimas de 6-8. Mancari sa lòmpida de su bentu maistru (chi at a surbare finas a 70 km oràrios, 50 in tretos orientales), lunis torra calore e umidade. Martis abba peri totu s’ìsula.

immàgine

m.p.