Ulìana, mùsica e binu su 16 de trìulas

Duos eventos in Ulìana su 16 de custu mese cun "Il buio, la luce, i suoni". A mangianu su cuntzertu in sa gruta de Sa Nurra de su Hoda cun Robert Gromotka e Felicitas Conrad chi ant a acumpangiare sos ispetadores finas a su momentu chi su raju de lughe colat in sa pèntuma pro un’ora (dae mesudie a pagu prus o mancu sa una). Su sero, imbetzes, b’at a èssere s’eventu chi fiat programmadu pro su 10 de làmpadas, ma rinviadu pro more de tempus malu, “Nepentes al chiaro di luna” cun càntigos, poesia e odes a su binu. tando ant a premiare sos produtores locales e s’ant a pòdere tastare su Nepente mentovadu e su Gùciu, unu nètare de binu pabassadu produidu in cantidades minores dae una calidade minore dae unu bidighìngiu locale presente dae semper in Ulìana. Pro informatziones e prenotatziones est possìbile a cuntatare sos organizadores (su “Presidio Turistico Galaveras”) a su 0784 286078.