Ispantu, sos Placebo in Tàtari

Sa noa est in rete dae pagas iscutas. E s’ispantu est prus chi non mannu pro una tzitade che a Tàtari dae tempus priva de cuntzertos mannos. De prus, s’ispantu est galu prus mannu a pustis de una note de su 31 de nadale colada in s’istòria de su pagu e lòmpida finamentas in Cussìgiu comunale. Como, a pagas dies dae un’annùntziu essidu dea Palatzu Ducale in contu de grandes eventos, acò sa noa. Su primu de austu s’istàdiu Vanni sanna ue bi giogat sa Torres at a èssere su logu in ue bi àrtziant su palcu a sos Placebo, sa band britànnica ghiada dae Brian Molko. In tretos de Ticketone e de Boxoffice Sardegna sunt bendende sos billetes: 60 èuros ritzos e 78 sètzidos (+ pre bèndida). Chi li mudent su ditzu in Tàtari? Zi vidimmu a li Plazzibo?