Amministradores indipendentistas: in Iscanu àteras duas "Dies"

Sunt comintzadas eris sas Dies internatzionales de sos amministradores indipendentistas aprontadas dae sa Corona de Logu in Iscanu. Comente si cumprendet dae sa locandina est un’addòbiu intre eletos locale sardos, bascos, catalanos e corsicanos. Eris etotu b’at àpidu un’arrejonada introdutiva “Su guvernu de sas comunidades locales pro s’autodeterminatzione: esperièntzias a cunfrontu”. Custas imbetzes sas de oe: a sas 18 ant a faeddare de “Mudadas climàticas, amparu de s’ambiente e energias rinnovàbiles”; a sas 19 su tema est imbetzes su de s’ispopulamentu e de sas mèngua de sos servìtzios pùblicos «Pro su diritu de abitare sa prossimidade». A sas 11 de cras un’àtera arrejonada: «Polìticas pùblicas pro sa crèschida econòmica de sos territòrios (massaria, impresas, cooperativismu, fiscalidade), pràticas bonas e propostas». In intro de sas Dies, càntigos, escursiones, resadas literàrias.