Sos giornales de oe #052

E nudda, sas rassignas gasi sunt. O b’at meda de ite seberare ma essit a campu unu tema chi si nche papat sos àteos, o puru de argumentos bi nd’at unu fiotu chi, mancari cun su perìgulu de los elencare meda, cheret chi nde faeddemus.

Comintzemus cun L’Unione sarda, chi non assustat cun sos «rincaros sena pasu pro sos mùtuos cun una mèngua de sas transatziones de su 2,7% e de sos finantziamentos de belle su 24». Ma in mancu – colemus·nche a La Nuova – sunt fintzas sos «500 istudiantes sardos» intre sos chi sunt lòmpidos a sos esames. «Fintzas ocannu sa Sardigna est màllia niedda a livellu natzionale pro pertzentuale de non ammìtidos: s’8,2%, 4,6 puntos in prus cunforma a sa mèdia italiana». Sa Campània, leghimus in intro, su datu prus bassu cun su 2,7%.

Pro nche colare a sas cosas chi creschent torremus a s’abertura de L’Unione ca, in contu de gastos familiares, «frùtora e ortalìtzia, tomata, barracoco e curcurighedda sunt belle unu lussu». Pro sa Nuova creschet si tempus in biàgiu ca «a si mòvere peri sas istradas de s’ìsula est un’impresa semper prus manna». Pro chie? «Sos cantieris abertos pròpiu in su perìodu de acudida de sos turistas allongat de prus sos biàgios pro sas vacàntzias». Immaginemus·nos como su traballadore cun passu de cocorra pro more de sos cantieris...e de sos turistas.

Su contu de custas dies pertocat ospidales e istàdiu, e inoghe b’amus sa gherra pro sas regionales. L’Unione nos contat de s’acòrdiu chi non b’est intre Comune de Casteddu e Regione sarda pro s’arena de fùbalu. Sa noa prus a minudu a pàgina 18 cun sa dimanda intre sas rias: sos 50 milliones chi su Comune cheret pro s’istàdiu sa Regione los cheret pònnere a cùrrere pro unu progetu prus mannu fintzas cun s’ospidale in intro? E de custas cosas nde faeddat fintzas La Nuova, petzi un’annùntziu in prima pàgina («Gherra frita intre Solinas e Zedda»).

Cosas chi cherent lèghidas, in s’Unione sunt sas chi pertocant s’ipòtesi de serrada de su polìgonu de Teulada intre «protzessu, normas costitutzionales e pàrrere contràriu de su Comipa», e su «fronte unidu» de Comunes e assòtzios contra a sos parcos eòlicos in Marmidda