Finale play off: su Cagliari in Bari pro bìnchere

Est totu prontu pro sa segunda parte de sa finale de sos play off de sèrie B pro determinare sa de tres iscuadras. Oe in Bari su Cagliari de Ranieri at a dèvere bìnchere pro nche lòmpere a sas sèrie A a pustis de su parègiu 1-1 de gioja. In s’Unipol domus de Casteddu sos ruju-biaitos fiant in vantàgiu gràtzias a Lapadula ma, a tempus oramai iscadidu, sos istràngios ant marcadu s’issoro cun Antonucci dae sos 11 metros. Duncas, est oe chi amus ischire chi s’una o s’àtera ant a èssere sa de tres iscuadras chi nche lompet a sa sèrie màssima a pustis de sa promotzione direta de Frosinone e Genoa. Su Cagliari in antis de sa finalìssima contra a su Bari at dèvidu giogare contra a su Venezia (binchende 2-1) e contra a su Parma (in antis binchende 3-2 e posca paregende 0-0). Como sos concruos. E mancari perdende (cosa chi non nde cherent s’intesa), giogadores e tifosos non s’ant a pòdere ismentigare de custa istajone ispantosa.

immàgine twitter Cagliari calcio