Sos giornales de oe #041

Bonas dies. E bona anàlisi de su votu a totu cantos s’ant a bantzigare intre sos chi narant «sunt dinàmicas locales ebbia» (comente narat su cussigeri regionale progressista in L’Unione sarda) e sos chi proponent una letura polìtica in intro de sas tendèntzias natzionales-italianas (cun sa guarnissa tricolore de Meloni: «Premiato il buon governo». Sos giornales de oe, cun sa netzessària crònaca de sos nùmeros chi prèmiant e chi ponent mùtria mala, tenent unu nùmeru de pàginas prus chi non bastante pro sustènnere una tesi (una est sa chi ponet La Nuova in tìtulu, «Il campo largo non sfonda»), pro nde bogare a campu una nois, de tesi, o fintzas pro non nd’àere e non nde chèrrere. Pro seguru su tzentru dereta est galu cun su bentu a palas, e si diat pòdere nàrrere chi una vitòria regionale noa annoas siat in agenda. Sa dimanda pertocat ebbia cussa coalitzione. Chie l’at a ghiare, movende finamentas dae custos datos? Su disafiu internu paret intro Fdi e sos tzentristas. Tzentru manca male postu. Su mundu indipendentista? Custu giru paret chi b’apat àpidu prus pagu presèntzia, e si podet cumprèndere chi sa cosa no est fàtzile, mancari b’apat chie comente sa Corona de Logu, pròpiu movende dae sas biddas e dae sos Consìgios comunales, proat a formare una grupu de amministradores locales.