Fritu, bentu e nie. Cun Nikola s’ierru sardu si torrat a presentare

Fritu, bentu e nie. Cun Nikola s’ierru sardu si torrat a presentare

Temperaduras in falada, intrèveros de abba e sole, ràficas finas a 80 chilòmetros oràrios e frocos subra de sos 600 metros

A pustis de su primu corfu ierrile de concruos de ghennàrgiu (in intro de un’istajone cun temperaduras prus artas de sa mèdia), sa Sardigna est interessada dae Nikola, una perturbatzione astrada noa dae chirru de est. «Una situatzione – narant dae s’ufìtziu meteoròlogu de s’aeronàutica militare de Deximumannu – chi at a durare fina a gioja e, in parte, a chenàbura».

Amus a assìstere, duncas, a temperaduras in falada, intrèveros de abba e sole, ràficas de bentu finas a 80 chilòmetros oràrios e nie subra de sos 600 metros.

M.P.