Sistema de sanificatzione “green” in s'aeroportu de Casteddu

Aprofundimentu de su lunis - S'aeroportu de Casteddu at unu sistema de sanificatzione "green". S'iscrostadura proteghet, non si bidet e durat un'annu.

Dae unos cantos annos, si ischit, in s'aeroportu de Casteddu sa sanificatzione est un'elementu de importu pro sa tutela de su benèssere de sos impitadores.
Pro realizare su sistema de sanificatzione, s'aeroportu de Casteddu at isseberadu s'azienda finlandesa "Nanoksi". Un'azienda ispetzializada in solutziones innovativas, chi cun su Fotonit© suo cumbinat sa sanificatzione a s'impreu de produtos de su totu  "green". Fotonit©, tocat a lu nàrrere, est unu sistema isvilupadu paris a unos cantos de universidades e de istitutos de chirca acreditados.

In s'aeroportu de Casteddu totus sas superfìtzies chi ant unu cuntatu importante benint crispiadas cun sa solutzione Fotonit©, una solutzione fata de biòssidu de titàniu. Ma comente funtzionat Fotonit©? Fotonit© funtzionat pro mèdiu de unu fenòmenu denumenadu "fotocatalisi". Sas partigheddas de Fotonit© respondet a sa lughe ambientale, naturale e artifitziale, e gosi formant un'incrostadura chi non si bidet, chi amparat e sanìficat sas superfìtzies.

A dimustrare ca a pagas oras dae s'aplicatzione, su livellu de igiene est lintu e pintu a su de una sala operatòria de ospilade, sunt sos test. Cunforma a sos disinfetantes traditzionales sos batèrios e sos virus non sunt capassos de isvilupare resistèntzia a sa " fotocatalisi". Duncas, sas superfìtzies abarrant semper igienizadas, fintzas tra una netesa e s'àtera, custu pro unu perìodu de 12 meses.

Sa de Fotonit© est una tecnologia sèmplitze finas in s'impitu e est possìbile peri rivestire cale si siat superfìtzie siat chi siat de bidru, de roba o de metallu.
Fotonit© , duncas, at unu "stardard" sanitàriu mannu e traballat in bioseguresa, una cosa importante cando si faeddat de sustenibilidade. Fotonit©, lu sutalineamus, ponet paris una sanificatzione fata comente si devet a una sustenibilidade arta meda, chi rispetat òmine e ambiente.