Ògiu “San Giuliano” triunfat in sos “ESAO Awards” de Ispagna

In sa Mesa – S'ògiu “San Giuliano” triunfat in sos  “ESAO Awards” de Ispagna in ue s'est agiudicadu duos primos postos: unu in sa categoria “Best International” e s'àteru in sa categoria “Miglior olio Italiano”.

S'ògiu “San Giuliano” at bìnchidu cun su  cun su “Extravergine Fruttato Cuor d’Olivo”. Gosi at cunfirmadu su resurtadu importante giai longradu in s'editzione colada de sa matessi manifestatzione.

190 ògios e prus, lompidos dae sete Paisus diferentes, ant leadu parte a su “ESAO Awards”. Sos prèmios ufitziales de sa “Scuola Superiore dell’Olio di Oliva” incluint ses categorias diferentes e ocannu afestant sa de ses editziones. Lu faghent cun s'obietivu de chircare e reconnoschere sos ogios ermanos internatzionales chi ant sa mègiu calidade.

“Otènnere custos prèmios importantes – at pretzisadu s'AD Pasquale Manca - pro sa 'Domenico Manca SPA - Oleificio San Giuliano' est unu cuntentu mannu, massimamente pro ite sa resessida arribat dae una terra chi connoschet bene sa coltivatzione de s'olia”.

S'azienda de s'Alighera no est noa a custu tipu de reconnoschimentos. Difatis in sos ùrtimos annos sos premios binchidos sunt istados prus de 200.

Feti in sos primos meses de su 2022 s'azienda at batidu a domo una medàllia de oro otenta in su prèmiu internatzionale “BIOL”. Semus faeddande de unu prèmiu pro sos ògios ermanos biològicos. A pustis, s'azienda at  binchidu àteras chimbe mèdallias in su “Los Angeles International Olive Oil Competition”, in ue at bàtidu a domo unu puntegiu bonu peri pro sas etichetas: “Fruttato al Monocultivar Bosana”; “Primér al Bio” e  “l’Originale”. Gràtzias a custos ògios sa realidade produtiva sarda at otentu de èssere insertada in sa ghia “Oli d’Italia” de su “Gambero Rosso”.

No est totu. S'azienda agrìcula “Domenico Manca” at abertu s'annu nou cun unu reconnoschimentu de interessu mannu. Difatis, in su cuntestu de “Agricoltura100”,  s'azienda est tra sas 100 aziendas agrìculas italianas chi faghent mègiu in tema de sustenibilidade e innovatzione.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22