"Insularità in Costituzione": s'analisi de SNI

Est peus meda de su 1847, s'annu de sa “Fusione Perfetta”. Est su giudìtziu donau de is indipendentistas de Sardigna Natzione Indipendèntzia asuba de s'insertamentu de su printzìpiu de s'”insularità in Costituzione”, chi in su Parlamentu italianu at biu su primu de is cuatru votus netzessàrius a otèniri sa modifica de s'artìculu 119 de sa Costitutzioni. Unu printzìpiu chi, iscrirint in nd'una nota de imprenta is de su Consillu Natzionali de SNI, est bòfiu “de unu grupu de unus cantu sardus de sa borghesia notarili” e aciungint: “Si sunt bendende connotu e disconnotu”. Custu printzìpiu, difatis, at a afortiai s'artìculu 5, e duncas sa cunditzioni de dipendèntzia de sa Sardigna de s'istadu italianu.