In sa “Scuola Civica di Musica del Sarrabus” unu cursu de launeddas

Sa “Scuola Civica di Musica del Sarrabus” at ativau unu cursu nou po imparai a sonai is launeddas. At a tenni su cursu su Maistu Andrea Pisu, chi at imparau s'arti de is launeddas de Aurelio Porcu. Pisu at a fai letzionis in cincu biddas: Castiadas, Murèra, Santu Idu, Biddeputzi e Crabonaxa.

Is iscritzionis funt obertas a personis de dògnia edadi.

Po àteras scedas si podit telefonai a sa Segreteria de s'iscola tzivica de mùsica de su lunis a su cenàrbara de is 9.00 a is 12.00 (nùmeru: 375 528 2076). Chini bolit podit po finas iscriri una mail a: scmusicasarrabus@gmail.com.