Tàtari: sit-in de Caminera Noa "“Non moriremo di COVID 19 ma di...”

Su movimentu Caminera Noa aprontat su sit-in “Non moriremo di COVID 19 ma di...”. S'atopu est a is 11.00 de cras, su 6 de su mesi de làmpadas 2020, a faci de sa “Direzione Generale” de s'ATS” de Tàtari, in pratza Fiume 1.

S'iscopu de sa protesta – si ligit in una nota de imprenta de is ativistas - est su de difèndiri sa Sanidadi publica, prusetotu in custu momentu pretzisu, candu is esàminis fissaus e cussus po su prevenimentu funt totus firmus de tres mesis.

Ddoi at, pretzisat su movimentu, una Delibera, sa n. 28/18 de su 4 de làmpadas 2020, chi non est ancora stètia publicada, ma chi istabilit chi is bìsitas in is ambulatòrius e is ricoverus in is ispidalis ant a torrai ativus.

Custu no mudat sa punna de sa protesta, poita s'obietivu de su movimentu est sa defensa de sa Sanidadi publica giai scancellada de sa giunta de Pigliaru e de s'assessori Arru.