“La Volpe e il Luppolo”: unu birrìfitziu chi proponet birras chi isgloriant su "chelu" de sa buca

* Dae sa terra a sa butìllia * - Birras incubonadas pro tempus meda, bèvidas produidas cun passione e coro. Sas propostas de su birrifìtziu de Simaghis "La Volpe e il Luppolo" sunt etichetas màstrinas chi impreant feti ingredientes de calidade primorosa: abba de sas mitzas de su Grìghine, maltos estremados, madrighes e lùpulos isseberados cun atentzione manna. Onni ingrediente dat a sas birras una personalidade pretzisa chi las caraterizant in manera ladina.

Unu nùmene, su de custa realidade produtiva, chi est su resumu de totu su chi est su birrifìtziu. Difatis, su margiane pintadu in su brand at unu significadu ligadu a sos abitantes de Simaghis,sa bidda in ue s'agatat su birrifìtziu. Sos abitantes de su logu, difatis, benint paranumenados mraxanis. In su disignu, custu mamìferu s'agatat paris cun su lùpulu, sa mata chi dat su marigosu a sa birra e chi la faghet frisca e praghile puru.

Totus sas birras màstrinas de "La Volpe e il Luppolo" sunt birras produidas a una temperadura chi andat dae 15 C° a sos 25 C°, a pustis sighint puru un'incubonadura intro de sas ampuddas o intro de sas tamburlanas puru.

Onni eticheta donat a chie la bufat momentos licantzos chi abarrant imprentados in su coro e in "su chelu" de sa buca.

Sas bèvidas propostas de custu birrifìtziu sunt chimbe: Torraghettai, Spa Sardinia, Frù Frù, Apajò e Melabì.

Torraghettai est sa primu birra produida dae sos meres de "La Volpe e il Luppolo", Michele Flore e Christian Frau. Custa bèvida màstrina est una Belgian Ale frisca e beverina. Agrumes, mele e maltu sunt sos nuscos chi la caraterizant. S'impreu estremadu de sos lùpuluos faghet de Torraghettai una birra bilantziada bene, perfeta pro la bufare comente aperiente e òtima cun sa pizza e cun manigos chi ant sabores dìligos.   

Cun Spa Sardinia amus un'interpretatzione lìbera de s'istile Pale Ale. Custa bèvida, chi at un'ispuma ispantosa, est una birra a colore de ràmene e at unu marigosu bilantziadu a manera perfeta. Fata cun lùpulos inglesos, Spa Sardinia est una birra cun notas interessantes de maltu, pìbere e caramellu.

Chie chircat una birra frisca meda agatat sa FrùFrù, una bèvida de trigu chi at unu fragu de agrumes, de maidana e de fàbrica.

Lupolada meda, s'Apajò est una birra a sabore de caramellu chi bilàntziat bene meda su marigosu. Custa bèvida at unu colore de ràmene bellu càrrigu e est fata cun 20 tipos de lùpulos diferentes.

Sa Melabì, imbetzes, est una birra beverina, chi at nuscos de frùtora frisca e cambiamentos parìviles de colore tìpicu de sa melachidòngia.

Sas de "La Volpe e il Luppolo" sunt totus birras bonas a las bìere chi bantant sabores de sos mègius. Pro bi crèere bisòngiat a las proare!