Beerfirm Scialandrone: sos giogos de sabore de unu mastru birràiu interessante

* Dae sa terra a sa butìllia * - Si tzèrriat Scialandrone e est una Beerfirm chi però at su nùmene de unu giogu a cartas antigu e totu casteddaju. Unu giogu fatu de duas copias de giogadores (bator in totu); chimbe sunt sas fases de sa partida giogada cun unu matzu de cartas genovesas (sas pròpias de s'iscopa, unu giogu a cartas nòdidu meda) e su puntègiu vàriat dae 10 (sas figuras) a 16 (s'Assu). Unu giogu dinàmicu comente dinàmica est custa Beerfirm chi produit sas birras suas in su birrifìtziu Horo de Sèdilo e in su birrifìtziu Mediterraneo de Crabònia.

Onni birra Scialandrone est una bèvida màstrina nàschida in su surcu de sa traditzione chi però at puru un'atza de originalidade e de innovatzione.

Nàschida in su 2014, Scialandrone est fìgia de un'idea de Graziano Melis (connòschidu dae totus comente Graki), un'home brewer casteddaju, mastru birràiu domulàrju e sòtziu fundadore de s'"Associazione brassicola Fermento Sardo" giai dae su 2007.

Semper e cando, Graziano Melis non s'acuntentat de fàghere feti su mastru birraiu domulàrju e cumentzat a abitare cursos de produtzione, de tastu e de cumbinatzione birra e màndigos. In fines cunsighit una tarea importante: s'atestadu de s'ADB de assagiadore professionista.

Unu curriculum importante, chi cun sa nàschida de Scialandrone at a fàghere de motore a sa produtzione primorosa de chimbe birras chi delìtziant sa buca.

Barrosa, Bagonki, Brentemmongia, Sa Morti Pillosa e Conchebbagna sunt sas birras firmadas Scialandrone, sa Beerfirm de Casteddu. Totus sas etichetas sunt bèvidas bonas meda chi ant nùmenes geniosos chi pintant bene sa realidade casteddaja prus sìnchera.

Sa Barrosa est una birra de 4,9 grados de alcol. Custa bèvida, chi s'ispirat a s'istile American Pils, at unu bellu sabore marigosu e unu nuscu incanteri de maltos tedescos e lùpulos americanos.

Binchidora in su 2016 de sa medàllia de oro in sa categoria Saison de su Challenge 2016, sa Bagonki est una Saison de 5,2 grados de alcol, una birra ispantosa fata cun maltos e lupòlos chi li dant sentores de frores e frùtora e una nota finale àspida.

Frisca e interessante meda, Brentemmongia est una birra in istile Blanche chi nde leat su sidis. Caraterizada de notas licanzas de ispètzias, Brentemmongia est su resurtu, puru, de s'issèberu de lùpolos praghiles medas.

Maltos de sa Boemia e lupòlos prontudos sunt imbetzes sos ingredientes de sa birra Sa Morti Pillosa. Custa bèvida, in istile Imperial pils, est una birra bella tzùriga e saborida, caraterizada de nuscos de frùtora tropicale.

Sa Conchebbagna, imbetzes, est una birra Amber Ale. Una bèvida a colore de pinnadellu cun riflessos rujos chi aunit unu fundu maltadu praghìle a una nota de caramellu lèbia meda.

Totus sas birras Scialandrone non sunt pastoritzadas e non sunt coladas. Onni etichetta est una  bèvida ispetziale de iscobèrrere.