Coronavirus: sa denùntzia de Caminera Noa a pustis de sa cumpàssida de is manifestus de Truzzu

"In Casteddu su Sìndigu Truzzu at petzau beni de ghetai is crupas de s'apedèmia de Covid-19 a is tzitadinus". Est cantu denuntziat una nota de imprenta a firma de Caminera Noa. Su comunicau est lòmpiu a pustis de sa cumpàssida de manifestus chi tenint sa punna de no fai bessiri sa genti a travessu.

"Sa chistioni in Sardigna – pretzisat sa denùntzia de su movimentu – est sa cunditzioni mala de sa sanidadi mudada in un'iscoladori de is iscèberus foras de contu de sa polìtica sarda, incluida sa de Truzzu".

"Si seus permìtius - sighit sa nota - de torrai a iscriri is cartellus postus de s'aministratzioni comunali cun testus chi prus s'acostant a sa realidadi".