Enne: "Istrutzioni e traballu po torrai a promovi s'Ogiastra"

(IlMinuto) – Casteddu, 18 de su mesi de arbili - Est ingìriu de su 30% su peschentu de spartzinadura iscolastica de sa Sardigna, terra innoia su nùmeru de is dipromaus est de pagu prus de su 21%. In custu cuadru s'Ogiastra si insertat cun d-unu peschetnu de su 18%, cun craresa asuta meda de sa mèdia isulana. A is datus iscolàsticus s'aciungint is de unu disimpreu chi cresciat sèmpiri de prus. Nùmerus grais, fillus de su rispàrmiu e de is polìticas chi preferint sa militarizatzioni comenti risossa, ferrendi in manera grai sa sotziedadi. Una problema polìticu primu de essi sotziali, chi comenti in s'acontèssia de s'Ogiastra in is ùrtimus tempus isfogat in concruidas de còmodu resùmias de is sòlitas formulas bècias "Ogiastra terra rebesta" e "Ogiastra terra de malèstigus". Est stètiu custu, difatis, su comentu a is fatus chi in is ùrtimus duus mesis ant biu su terrritòriu ogiastrinu in su coru de is crònacas po mori de is cincu mortis chi ant trapassau custa regioni de sa Sardigna. "Est fatzili - denuntziat Enne, segretàriu provintziali po s'Ogiastra de su PdCI - fueddai de 'apretu criminalidadi' comenti chi fessat un'avenimentu a sei, desintotu istracassau de cuntestus polìticus i ecònomicus. Sa crupa prus manna de custus cumportamentus andat circada in su discumbèniu iscolàsticu e in is serbìtzius de seguràntzia pùblica menguantis", fillus, po su dirigenti de su "Partito dei Comunisti Italiani" "de unu Stadu chi si nci istresiat de is territòrius e de su pòpolu". Signali duncas "de unu Stadu dèbili". Ma cali sa solutzioni avansada de Enne? Po su segretàriu ogiastrinu "S'Ogiastra e sa Sardigna totu abisongiant de polìticas po su traballu e de afortiamentu iscolàsticu, chi siant de condierra a sa cunditzioni sotziali sèria de oi".

Fotografia de alpha du centaure. Pigada de Flickr