"Proletàrius obrigaus a pigai is cadenas". Su Prc Meilogu batacollat a s'Anas

(IlMinuto) – Casteddu, 3 de su mesi de paschixèdda - De calencuna diri est stétiu postu s'óbrigu de gomas de nii o de cadenas a bordu de is veturas de su chilómitru 137,900 a su 179,500 de s'istrada istatali 131, in is provìntzias de Nùgoro e Tàtari. Ddu at fatu isciri s'Anas, pretzisendi ca is comunus interessaus de su provedimentu funt Bòrore, Macumère, Bìroro e Bortigale po su Màrghine e, po su Meilogu, Cossoine, Tzàve, Cherèmule, Turràlva e Bunnànnaru. Unu determinu batacollau de su Prc de su Meilogu. "Marx e Engels – cumentat su tzírculu de su logu Farore Sini - ant a acabai a su Manifestiu insoru narendi ca is proletàrius no teniant de perdi ca is cadenas. Imoi tocat chi si ddas comporint! Si si bolit fai càscia o fai girai a s'ecunumia ddoi funt àteras solutzionis a petus de is multas (de a 318 eurus) e a is comporas bligatórias (assumancu 30 eurus sa pariga). Totu po pagus diris de nii a s'annu funt àterus is problemas de sa transitabilidadi: de is istradas malas a sa carestia de sa binzina colendi po su trasportu públicu postu mali meda e po s'iscordonamentu de is serbítzius in is tzentrixeddus".

Fotografia de bwohack. Pigada de Flickr