Mostras: in Casteddu "T Contu Cuguteddu ruju"

(IlMinuto) – Casteddu, 3 de su mesi de paschixèdda - Su T Hotel sighit sa faina de aparadas e ddu fait cun d-unu tema de palistória, sa mostra "T Contu Cuguteddu ruju" in programa de su 6 de su mesi de paschixèdda a su 20 de su mesi de gennàrgiu de su 2013. Cuguteddu ruju est unu contu chi sighit a esercitai un'amàju mannu asuba de inzénnerus intreus, de is pipius a is ajàjus. In is aposentus de su T Hotel sa palistória at a fai de progonista cun d-una mostra bibliogràfica arrica aprontada de Tiziana Roversi, chi de pràtica di editoria po piciocus e disignus torrat a tavigai s'istória bera de Cuguteddu ruju, de is primus copiaduras de sa traditzioni orali fintzas a is iscrituras a nou de is tempus nostrus. In aparada tantis editzionis disignadas, calencuna antiga e de primori, "impari - si ligit in d-unu comunicau de imprenta - a editzionis de sa palistória chi aproliant de logus atesu chi inditant s'ispainadura planetària de custu contu". De sa moda a su design, de sa fotografia a sa pintura, "su progetu in mostra aprontau de Marco Peri, Tramai e T Art - pretzisat sa nota - tenit s'iscopu de connosci a is numerosas amàinus chi custu contu-cona est capassu di ofèrriri in s'épuca contemporanea". Ecu poita artistas, designer, disignadoris e artesanus, cun médius espressivus diversus ant compudau a su contu torrendindi a iscobèrriri s'allériu.