Su tempus benidori de is maistus de 18 a 24 oras. Usb Sardigna: "su mundu de s'iscola depit truncai a su 'Patto di Stabilità'"

(IlMinuto) – Casteddu, 15 de su mesi de ledàminis - Un'aumentu de is oras de letzioni de 18 a 24 est su càrrigu determinau de su 'Patto di Stabilità' chi ferrit a is maistus de rolu, ponendi in pirígulu 30mila postus de traballu e prus. Unu 'patto di stabilità' su bófiu de su Gvernu Monti, chi est - afirmat cun d-una nota de imprenta s'Usb Sardigna - "un'àtera òpera de iscontróriu arbitràriu in is cunfrontus de is traballadoris e de is cumpartus prus débilis poita infrutuosus". Un'àtera borta aici est s'iscola a pagai unu prétziu mannu. Totu custu agoa de essi stétia "giai truncada - pretzisat su sindacau de basi - de annus de taglius e reformas, trastocadas sighendu duus cursus: su ideològicu faina berlusconiana atressu de s'aprou bipartisan' de su decretu Aprea, chi minat a sa basi de is printzípius de democràtzia e de ugualidadi intre de is istitutus públicus e oberrit is iscolas a s'infrichimentu de is privaus po sighiri su modellu famosu de iscola-azienda privada, e su económicu, su prus usuali, atressu de irminorigamentus nous a su personali". Agoa de su blocu de is pensionamentus, difatis, "si passat a ferriri a is maistus de rolu cun d-un'aumentu de is oras de letzionis de 18 a 24".

Fotografia de emilius da atlantide. Pigada de Flickr