Presonis: su presoneri no tenit diritu a impitai su tablet

(IlMinuto) – Casteddu, 19 de su mesi de ledàminis - "Unu tzitadinu privau de sa libertadi chi ndi fatzat dimanda podit impitai in cella unu computer 'sterilitzau', est a nai mudau casi a essi una màchina de iscriri, no unu tablet". Est cantu denuntziat Maria Grazia Caligaris presidenti de s'assòtziu Sotzialismu Diritus Reformas, agoa de s'essi bia torrai s' istrumentu informaticu arregalau a unu presoneri de is sotzius de Sdr, poita cunsiderau perigulosu. "Sa Diretzioni Generali de is Presoneris e de su Tratamentu - acrarat Caligaris - cun d-una nota at difatis acrarau ca su tablet est un'istrumentu chi tenit 'dispositivi integrati' in su sistema e duncas chi no si ndi podint liai". Custus determinus no iant a parri favorèssiri un'insertamentu sotziali e culturali nou de is tzitadinus privaus de sa libertadi, no iant a parri agiudai diaderus is pobilidadis de acrescimentu e agiornamentu culturali insoru, e - sighit sa nota de imprenta - "aparesit contraditoriu puru" sa promotzioni insoru, "atressu de cursus fatuvatu fatus de volonteris, po imparai a is presoneris s'impitu de is istrumentus informaticus".

Figura trassada de ichibod. Pigada de Flickr