Atopu: in Boruta "Biblioteca asuta de is isteddas"

(IlMinuto) – Casteddu, 7 de su mesi de austu - S'at a sboddiai sàbudu 11 de su mesi de austu a cumentzai de is 18.00 in is aposentus de sa biblioteca comunali de Boruta sa manifestada culturali chi tenit comenti títulu "Biblioteca asuta de is isteddas", apogiada de s'aministratzioni comunali, est aprontada de s'assótziu culturali Àndala noa cun s'iscopu de avalorai su patrimóniu de líburus chi s'agatat aintru de sa biblioteca: in totau 5milla líburus e trexentus audiovisivus intre dvd e cd. Diversus is atopus de no pèrdiri. Intre custus, a is 18.30 s'inauguratzioni de sa mostra fotografica de Matteo Setzu "Thurpos VS Sardigna: Intre biseras e folklori". A is 19.30 sa presentada de su periódicu "S'allicu de sa literàdura in Sardigna: sa cosa de papai, is traditzionis e is logus de su papai contaus in is líburus" aprontada de su Tzírculu de is Ligidoris Mebi Marigosu. E balu teatru, animatzioni po pipius e música fintzas a tradu mannu 'e noti.