Traballu: in Cuartu avisu públicu po 19 amaistramentus

(IlMinuto) - Casteddu, 6 de su mesi de argiolas - Baga po is chi funt cichendi traballu e funt residentis in Cuartu Sant'Aleni. Su Comunu, cun s'agiudu de su Tzentru Serbítzius po su Traballu de Cuartu, fait sciri ca intre pagu tempus at a bessiri su bandu po ativai 19 amaistramentus cun borsa de 500 eurus a su mesi, de custas, noi s'ant a sboddiai in aziendas artesanas chi faint manixus artísticus e traditzionalis. S'amaistramentu at durai a su màssimu ses mesis. Po podi presentai dimanda de borsa de amaistramentu, su candidau depit tenni una fibera de recuisitus, intre is calis: depit ai fatu 18 annus, depit essi residenti in Cuartu Sant'Aleni, depit essi iscritu in su Tzentru Serbítzius po su Traballu de Cuartu Sant'Aleni e a su mamentu de sa dimanda no depit tenni niuscunu raportu de traballu. Po pigai prus scedas asuba de is recuisitus e po pediri comenti si podit pigai parti a su bandu de amaistramentu castiai su giassu de s'aminitratzioni comunali de Cuartu