Presonis: Trudu a su Dap: "Fadeimì torrai in Sardigna"

(IlMinuto) – Casteddu, 18 de su mesi de argiolas - "S'ausétzia de s'apricu de sa territorialidadi de sa pena est unu fatori chi nexit a is presoneris sardus. Penalitzat a is famílias insoru, imponit unu disperdítziu de energias e unu pesu económicu grai". Est cantu afirmat un d-una nota de imprenta Maria Grazia Caligaris, presidenti de s'assótziu Sotzialismu Diritus e Reformas, amentendis'acuntéssia de s'ergastulanu Mario Trudu, in presoni de 32 annus. "Est foras de contu - acrarat Caligaris - ca agoa de 8 annus de dimandas fissientis, su trasferimentu suu in d-unu presoni de s'ísula, a preferéntzia su Nùgoro, no apat tentu balu ésitu positivu". Trudu s'agatat difatis in sa Domu de Reclusioni de Spoleto. "Est indefinìbili - sighit sa nota - s'incanimentu chi si tenit in is cunfrontus de unus cantu de tzitadinu privaus de sa libertadi a is calis parrint ddis siant depius scéti tratamentus chi no si torrant a fai a is printzípius de s'umanidadi comenti bolit s'artículu 27 de sa Costitutzioni".