Presonis: nisciuna atrassadura de pena a sa feminedda de Buoncammino

(IlMinuto) – Casteddu, 4 de su mesi de argiolas - No at otentu s'atrassadura de sa pena i est "in abetu de su determinu de su Capu de s'Istadu, a su cali s'abogau suu Stefano Piras at fatu dimanda de gràtzia, Stefania Malu, 79 annus, casteddaia, tenit diversus istrobus de saludi". Sa fémina abarrat duncas in su presoni de Buoncammino. Est cantu fait sciri cun d-unu comunicau de imprenta Maria Grazia Caligaris, presidenti de s'assótziu Sotzialismu Diritus e Reformas. Sa fémina, a cantu narant is datoris s'agat in cunditzionis de saludi disgritziunosas, mancai is problema a su coru, is de irbariamentu po mori de s'edadi e mancai at tentu un'aneurisma a s'aorta, est torrada in galera a scontai s'arremusalla de sa pena de pagu prus de 4 annus e 2 mesis cun senténtzia definitiva de sa Cassatzioni de su mesi de làmpadas de su 2008.

"Cun is volonteris de s'assótziu - narat sa presidenti de Sdr - Stefania Malu at manifestau trambullu e incredulidadi po sa presonia noa. Insistit asuba de s'abisóngiu de atendi a su fillu de 52 annus chi no si podit achistiri a solu". "S'ispériu - concluit sa nota - est ca su Tribunali de Castiamentu mudit su determinu pigau e ca su Presidenti Giorgio Napolitano biu s'edadi manna de sa fémina e is cunditzionis de saludi malas de su fillu potzat fai un'atu umanitàriu".

Fotografia di Porfirio. Fonte Flickr