Mostras: in su Palatzu Vicerégiu "Sa Secca de Casteddu: scudus e 'cagliaresi'"

(IlMinuto) – Casteddu, 18 de su mesi de argiolas - S'at a podi castiai fintzas a su 31 de su mesi argiolas in is aposentus casteddaius de su Palatzu Vicerégiu sa mostra aprontada de s'assótziu culturali Hermaea Archeologia e Arti "Sa Secca de Casteddu: scudus e 'cagliaresi'". S'aparada proponit unu viazu in su tempus andau, unu caminu a s'iscoberta de unus cantu de munedas apretziadas, is fatas de sa Secca de Casteddu, chi ant iscritu s'istória de sa capitali sarda. "Cun custa mostra - si ligit in d-una nota de imprenta - si bolit fai acostai su bisitadori a sa numismàtica faendiddu contipizosu de su balimentu istóricu i económicu de colletzionis raras cometi is chi funt aparadas". "Sa Secca de Casteddu: scudus e 'cagliaresi'" s'at a podi bisitai de su lúnis a sa cenàbara de is 8.00 a is 20.00 e de su sàbudu a su domínigu de is 9.00 a is 18.00.