Música: obertas is iscritzionis a s'Iscola cívica de Cuartu

(IlMinuto) – Casteddu, 18 de su mesi de làmpadas - De su pianoforti a sa ghitarra elétrica, de su flàutu a sa bateria. Funt obertas is iscritzionis a s'Iscola cívica de Música “Luigi Rachel” de Cuartu Sant'Aleni po s'annu iscolasticu 2012-2013. Su módulu po presentai sa dimanda si podit pigai de su giassu Internet de su Comunu e de su de s'Iscola cívica de Música, e podit essi arretirau puru in sa domu de s'Ofíciu relatzioni cun su públicu (Urp), in su palatzu de su comunu (bia Eligio Porcu 141). Is dimandas ant a depi essi presentadas in s'Ofíciu Prísia de su Comunu intru cenàbara 06 de su mesi de argiolas de su 2012.