"Furat chie benit dae su mare": aMpI at a pigai parti a sa mobilitada de is piscadoris de Bosa

(IlMinuto) – Casteddu, 22 de su mesi de làmpadas - Su Ministeru de sa Messarítzia e de is Catzas autorizat, comenti denuntziau giai de Irs in is diris passadas, "Is dexi Angelillo", piscagiolu toscanu, a fai s'atividadi sua in su fundu de su mari de Bosa atressu de sa pisca cun su "cianciolo", una pràtiga chi no arrespetat s'"ecosistema". "Est de annus meda chi si chistionat de is solutzionis po s'isvilupu de s'ecunumia e de sa pisca nostra, chi - acrarat a Manca pro s'Indipendentzia in d-una nota de imprenta - iat a podi rapresentai po nos sardus un'intrada de importu mannu". Prusaprestu custa faina "no benit scéti incurada, ma inderetura bendia po duus soddus, a su primu chi benit, de sa classi política italianista". Un'esperiéntzia aplicada a sa pisca de sa tunnina arrúbia, liada a sa genti de Carluforti e donada a is Greco de Genova. "Agoa de su sdorrobatóriu de is risorsas de sa terra, de su sutaterra e de s'energia eolica e de su soli - sighit sa manca indipendentista - lompit s'arrelantzu de su mari". Est in difesa de custa risorsa chi aMpI "acotzat sa mobilitada de sa comunidadi de is piscadoris busincus e sa manifestada de sàbudu 23 de su mesi de làmpadas a is 10.00 de su mangianu in Bosa Marina apogiendi puru "su diritu a atzionis [...] chi istrobint e frimint a is piscagiolus toscanus e sa pisca in is àcuas de su territóriu nostru".