Cantu religioni in Tv? In Casteddu su dibàtidu de sa Cgil asuba de sa "laicità" de s'Istadu

(IlMinuto) – Casteddu, 25 de su mesi de làmpadas - Cali est sa preséntzia de is diversas religionis in is telegionalis e in is programas televisivus? A custa pregunta at arraspundi s'atopu asuba de sa "laicità" de s'istadu aprontau de s'Ofítziu Diritus Nous de sa Cgil po su 26 de su mesi de làmpadas a is 17.00 in s'àula magna de sa Facoltadi de Giurisprudéntzia de Casteddu. Po s'atopu at essi presentau puru su "VII relatu asuba de sa 'secolarizzazione'", fatu de su cumpartu Diritus Nous de sa Cgil cun s'agiudu de sa ribista Crítiga Liberali. In s'atóbiu, aprontau cun s'agiudu de s'Istitutu de Filosofia de su Diritu de sa Facoltadi de Giurisprudéntzia, ant a fueddai su professori de Filosofia de su Diritu Anna Pintore, su diretori de sa ribista Crítiga Liberali Enzo Marzo, su responsàbili Diritus Nous Casteddu Sandro Gallittu, sa pastora de sa Crésia evangelica de Casteddu Cristina Arcidiacono, sa boxi de sa Comunidadi musulmana de Casteddu Sulaiman Hijazi e su parlamentari radicali Maurizio Turco.