In sa Sardigna de Tramuntana signalis de acrescimentu in tempus de crisi

(IlMinuto) – Casteddu, 8 de su mesi de maju - Sa Sardigna de Tramuntana no parrit amollai asuta de is cropus de sa crisi económica. Est cantu bessit a pillu de is datus presentaus po sa "Diri de s'ecunumia" aprontada de sa Càmara de Cumértziu e chi s'et tenta in Tàtari calencuna de diri fait. In su 2011, difatis, intre iscritzionis e acabus s'est registrau unu trend positivu de 374 unidadis in sa Sardigna de tramuntana. Unu tassu de acrescimentu chi, si puru no mannu meda e prus pitiu de cussu de su 2010, est su dópiu de sa média regionali e rapresentat is 2/3 de su saldu fatu in totu su territóriu isulanu. A amanniai est prusatotu sa provìntzia de Terranòa-Tèmpiu (+ 2.34%) sighia de sa de Tàtari (+ 1,36%). Unu datu chi acumpamgiat a s'acrescimentu puru de is impresas fatas de is féminas chi artziat de su 29 a su 31% e chi parrit amostai atressu de is progetus insoru interessu mannu contra a su scordonamentu progressivu de s'ecunumia sarda.