Presoni de Uda: lítera de lissentziamentu po 11 traballadoris

(IlMinuto) – Casteddu, 7 de su mesi de maju - Est sèmpiri prus difítzili sa situatzioni de is 60 operàjus impegnaus in su fàbricu de su presoni de Uda. Is traballadoris no scéti no funt pagaus de mesis meda: gióbia passau 11 traballadoris de s'azienda Òperas Públicas ant arriciu una lítera de lissentziamentu po irminorigamentus de postus de traballu. Ddu fait sciri unu comunicau de imprenta de Feneal Uil, Filca Cisl, Fillea Cgil. "In custa contienda - si ligit in sa nota de imprenta - chi trisinat a 60 traballadoris impegnaus in su fàbricu de su presoni de Uda abarraus mesis meda chentza de stipendiu, nimancu cun su ministeru is cosas funt totu apostu: mancai is impignus pigaus de su Proveditorau a is "Infrastrutture", difatis, no funt arribaus is bonificus e nimancu is versamentus a sa Càscia Edili, aici comenti furiat stétiu nau in d-unu acórdiu firmau de ministeru Provìntzia e partis sotzialis".