Prétzius: in s'ou de Pasca billetus aéreus prus carus

‎(IlMinuto) – Casteddu, 3 de su mesi de arbili - In Casteddu sa carestia est aumentada puru in su mesi de martzu: su chi est acabau de pagu diris, difatis, a cantu narat su comunicatu fatu connosci de su Serbítziu Informatica e Statistica de su Comunu, is prétzius funt crescius de su 0,6 po centu (contra su 0,3 de su mesi de fiàrgiu). Puru in su mesi de martzu is aumentus prus grais funt stétius registraus in su "Trasportu aéreu passigeri" (+16,4 %): carestias chi chentza de duda ferrint a is sardus chi s'agantat a foras de s'ísula po is ferias de Pascamanna.