Presoni nou de Casteddu. Sdr: "Su Guvernu fatzat arraspetai is diritus de is traballadoris"

(IlMinuto) – Casteddu, 11 de su mesi de arbili - "Sa cunditzioni chi funt bivendi is operàjus de Òperas publicas, custrintus a manifestai po torrai a donai dignidadi a su traballu, e s'atrassadura fissienti de s'inauguratzioni de su presoni nou de Casteddu depint interessai inderetura a su Guvernu". Est cantu narat Maria Grazia Caligaris, presidenti de s'assótziu "Sotzialismu Diritus e Reformas", espressendi un'àtera borta solidariedadi a is traballadoris trisinaus. "Custringi a is operàjus a isciòpirus fetianus po otèniri su chi ddis ispetat - scririt Caligaris - est un'atu de frapa chi umiliat is diritus de is tzitadinus.Si ponit in evidéntzia, un'àtera borta, chi assignai is traballus atressu de atus cuaus no donat nisciuna seguresa a chini donat de fai s'òpera e a chini dda fait".