V Diri Natzionali de is Ferruvias Scarescias. In viàgiu cun su trenixeddu birdi

(IlMinuto) – Casteddu, 16 de su mesi de martzu – Est po su 25 de su mesi de martzu a is 9.30, tuchendi de s'istatzioni de Macumère, su viàgiu in is carrotzas a carrellus de su 1913 firmadas Bauchiero. Su trenu at a cumentzai sa cursa sua po totu sa prana basaltica chi portat a Bosa. Diversas is frimadas previdias de su caminu. Sa primu at essi su monastériu cistercensi de "S. Maria di Corte", agoa si sighit abia de Tresnuraghes po is atastus de drucis e de marvasia. De innoi su viàgiu at a torrai a pigai fintzas a lompi a destinatzioni. Capulinea: s'istatzioni de Bosa Marina. In sa tzitadina in provìntzia de Aristanis is viagiadoris ant a tenni sa possibilidadi de fai una scampirrada in bateu in su Temo, únicu arriu navigàbili in Sardigna, e de passillai puru in su bixinau medievali de Sa Costa. Po pigai prus scedas o po prenotai su viàgiu in su trenixeddu birdi, telefonai a is númerus: 0785 743044; 347 9481337 o scriri un'e-mail a s'indiritzu: esedraescursioni@libero.it