In Thiniscòle sa VI biennali de su Prémiu Natzionali de Literadura po sa Crialla Sardigna

‎(IlMinuto) – Casteddu, 19 de su mesi de martzu - Òperas imprentadas, òperas no imprentadas, òperas tzinematograficas, òperas in língua sarda. Funti custas is setzionis prevìdias de su Prémiu Natzionali de Literadura po sa Crialla Sardigna, bandiu de su Comunu de Thiniscòle. Podint pigai parti a su bandu is fainas publicadas e/o produsias intre su primu de su mesi de gennàrgiu de su 2008 e su 30 de su mesi de làmpadas de su 2012. Is autoris ant podi pigai parti a su prémiu scéti cun un'òpera po setzioni. Duas is scadéntzias prevìdias: su 30 de su mesi de làmpadas de su 2012 po is òperas imprentadas, is no imprentadas e is imprentadas in língua sarda; su 30 de su mesi de paschixèdda po is òpera tzinematograficas. Is bincidoris ant a essi proclamaus intru su beranu de su 2013. Po pigai prus scedas asuba de su prémiu scriri a s'indiritzu e-mail: premiosardegna@gmail.com o telefonai a su númeru 0784 870833