In Tàtari cuàturu atopus cun "Imigratzioni: s'àtera faci de sa seguresa"

(IlMinuto) – Casteddu, 9 de su mesi de martzu - At a cumentzai custu merì in Tàtari a is 18.30, in is aposentus de sa libreria Odradek, sa proposta culturali "Imigratzioni: s'àtera faci de sa seguresa". S'avenimentu at a presentai màginis, atopus e dibàtidus asuba de is 20 annus de Imigratzioni in Itàlia. Aprontadori de is atóbius, su grupu de is istudiantis E+, s'"Abracadabra Onlus", s'"Andalas de Amistade Onlus", sa libreria Odradek, s'Arci Tàtari, sa Cgil de Tàtari e s'Ersu. "Imigratzioni: s'àtera faci de sa seguresa" previdit cuàturu atopus, su 9, su 14, su 20 e su 28 de su mesi de martzu. "S'idea - si ligit in d-una nota - est s'arrasutau de unu traballu de circa de pagu prus de duus annus fatu de su Grupu de is istudiantis E+ e "Abracadabra Onlus", cun su cuntributu de s'Ersu, nàsciu de s'abisóngiu de atuai apitzus de sa gestioni de su fenómenu de s'emigratzioni in Itàlia". Est de custu traballu, difatis, chi nascint: su ciclu de atóbius, sa mostra fotogràfica, is dibàtidus e is proietzionis videu.