"Tardamentus foras de contu in su pagamentu de amortitzadoris e sussidiu". Oi sit in a faci de s'assessorau de su Traballu

(IlMinuto) – Casteddu, 22 de su mesi de martzu – "Is tardamentus in su pagamentu de is amortitzadoris sotzialis in dèroga funt foras de contu, difatis funt milla e prus de milla is traballadoris chi de diversus mesis no arricint su sussidiu chi ddis spetat". Est cantu denuntziant is segreterias regionalis de Cgil, Cisl e Uil, chi po oi a is 10.00 ant aprontau unu sit in a faci de sa domu de s'assessorau regionali de su Traballu, in arruga XXVIII fiàrgiu, in Casteddu. "Mancai is ispintas fitianas nostras - narant is sindacaus denuntziendi is tardamentus - is pràtigas abarrant frimas in is ofítzius de s'assessorau. Funt arrenconadas puru is 9milla dimandas de sussidiu una tantum po is traballadoris chi no tenint is amortitzadoris sotzialis, una promissa scrita in d-un'acórdiu firmau s'annu passau e a oi frimu".