"SNI, comenti a tui Angelo, no timit is Don Rodrigo pitius". Sni est a su costau de Cremone

(IlMinuto) – Casteddu, 6 de su mesi de martzu – "No eus a lassai sa Sardigna in manu a is afaristas, mannus o míserus chi siant. Sardigna Natzione Indipendentzia est a su costau de Angelo Cremone, fillu líberu de sa Sardigna". Cun custus fueddus sa scuadra indipendentista espressat solidariedadi a Angelo Cremone agoa de s'abertimentu ameletzosu chi ddu at biu comenti protagonista cida passada.Un'atu chi su Cordinadori Natzionali de Sni Bustianu Cumpostu definit "unu signali craru de pérdida de seguresa de su sistema afaristicu-políticu-sindacali chi at mentenniu su Surcis asuta de una capa de narcòticu e nd'at sacrificau is rissosas ambienti e territóriu in s'altari de sa parrochiania e de is tesseras".