Saludi mentali: in Serdiana unu merì po agiudai a su comitau sardu "stop opg"

(IlMinuto) - Casteddu, 27 de su mesi de martzu – Est po su 31 de su mesi de martzu in Serdiana s'atopu po agiudai a su comitau Stop opg. "Ddoi funt logus de morti, de sunfrimentu aundi is personis benint inserradas asuba de unu penzu superau de sa maladia mentali. Funt is Ispidalis Psichiatricus Giuditziàrius". Fatuvatu pagu nódidus a sa genti e po su prus cuaus de is printzipalis médius de scedas, is opg funt a oi unu de is primus logus de impresonamentu aundi sa vida de is personis presoneras est marcada de sa violéntzia cotidiana e de sa dennega de is diritus prue elemetaris. Contra a is opg e sighendi s'arruga de su Comitau "Stop opg" nàsciu in Roma, s'et costituiu su Comitau sardu chi traballat a manera chi custus logus de presonia acabint de esisti, contrariendi is internamentus, acumpangendi su caminu de dimissioni de is sardus internaus e mandendi a innatis una faina de interessamentu. Po custa arrexoni sàbudu 31 de su mesi de martzu a is 20.30 s'at a tenni un'avenimentu, in sa Comunidadi "La Collina" de Serdiana, po arregolli dinai in agiudu de su Comitau sardu Stop opg; cun d-unu cuntributu de 10 eurus s'at a podi agiudai sa faina de su Comitau, passendi unu merì in cumpangia de sa cosa de papai bella e de ispetàculus artísticus. Est possíbili a prenotai puru atressu de sa poste pay nr. 4023 60046685 0361 intestada a Roberto Loddo. Po ndi sciri de prus telefonai a is titularis de is númerus de telefonu : Roberto Loddo 3316164008; Francesca Fadda 3472114917; Gisella Trincas 3381597287. O scriri un'e-mail a s'indiritzu: stopopgsardegna@gmail.com